Ichki ma’naviyatni yuksaltirish va ekologik fikrlashni shakllantirishga qaratilgan “Ko‘ngil ekologiyasi” shiori ostida rasmlar tanlovi tashkil etildi.
📣Mazkur tanlov yoshlar ongida tabiatga mehr, atrof-muhitga mas’uliyatli munosabat hamda ichki ma’naviy poklik g‘oyalarini mustahkamlashga xizmat qiladi. Ishtirokchilar o‘z ijodiy ishlari orqali ekologik muammolar, tabiatni asrash, inson va tabiat uyg‘unligi kabi dolzarb mavzularni badiiy ifoda etishdi.
➡️Ta’kidlash joizki, ushbu tanlovni o‘tkazish bo‘yicha Respublikaning barcha oliy ta’lim muassasalarida tashkil etish yuzasidan tegishli buyruq qabul qilingan bo‘lib, bu tashabbus yoshlar o‘rtasida ekologik madaniyatni keng targ‘ib etishga xizmat qilmoqda.
➡️Tanlov davomida eng faol va ijodkor talabalar rag‘batlantirildi hamda ularning ishlari keng jamoatchilikka namoyish etildi. Bu esa talaba-yoshlarning nafaqat ijodiy salohiyatini, balki ekologik va ma’naviy dunyoqarashini ham rivojlantirishga zamin yaratadi.
