Ochlikka barham berish

Osiyo qit’asining ko‘plab davlatlari iste’mol mahsulotlarining asosiy import qiluvchilari hisoblanadi va oziq-ovqat xavfsizligining oqibatlarini juda o‘tkir his qilmoqda. Bu haqda O‘zbekiston Prezidenti Shavkat Mirziyoyev bugun, 2022-yil 13 oktyabr kuni Ostonada o‘tayotgan Osiyoda hamkorlik va ishonch choralari bo‘yicha kengash sammitidagi nutqida aytib o‘tdi.
Butunjahon oziq-ovqat va qishloq xo‘jaligi tashkiloti hisob-kitoblariga ko‘ra, ochlikdan aziyat chekayotgan sayyoramiz aholisining yarmidan ko‘pi Osiyo qit’asida yashamoqda. Paradoks shundan iboratki, bir vaqtning o‘zida aynan bizning mamlakatlarimiz jahonning yetakchi oziq-ovqat mahsulotlari ishlab chiqaruvchi davlatlari hisoblanadi”, deydi Prezident.
U bu borada yangi yondashuvlar:
• oziq-ovqat ishlab chiqarishning barqaror tizimlarini va uni yetkazib berishning optimal zanjirini shakllantirish;
• ichki mintaqaviy savdo o‘sishi uchun texnik reglamentlarni uyg‘unlashtirish;
• Osiyoda oziq-ovqat xavfsizligini monitoring qilish yaxlit tizimini yaratishni taklif qildi.
Ushbu barcha masalalarni FAO shafeligida kelgusi yili O‘zbekistonda bo‘lib o‘tadigan xalqaro konferensiyada muhokama qilish taklif etildi.
Shuningdek, davlat rahbari ekologiya va iqlim o‘zgarishi muammolarini hal qilish uchun sa’y-harakatlarni birlashtirishni hamda mamlakatlarni jadal ko‘klamzorlashtirish va ekotizimlar bog‘liqligini qo‘llab-quvvatlash masalalari bo‘yicha “Yashil Osiyo” konseptual dasturlari doirasida doimiy ekspert maslahatlashuvlarini yo‘lga qo‘yishni taklif qildi.

O‘zbekiston Respublikasi Prezidenti Shavkat Mirziyoyevning topshirig‘iga muvofiq har bir oliy ta’lim muassasasi rektorlariga ijtimoiy himoyaga muhtoj va imkoniyati cheklangan mahalla yoshlari biriktirilgan.Buxoro Davlat Tibbiyot Institutida muhtoj talabalar va muhtoj aholiga moddiy yordam ko’rsatish borasida bir qator chor tadbirlar olib boradi. Jumladan, Buxoro davlat tibbiyot instituti rektori Shuhrat Teshayev Yangi yil bayrami bilan tabriklash maqsadida Shofirkon tumani mahallalaridagi biriktirilgan yoshlarning holidan xabar oldi. Joriy yilda Buxoro davlat tibbiyot instituti rektori Shuhrat Teshayev Shofirkon tumani mahallalaridagi biriktirilgan yoshlarning holidan xabar oldi.

Bundan tashqari Institutda bir qancha xayriya dasturxonlari tashkil etiladi. Bunda barcha talabalar va professor o’qituvchilar ishtirok etishadi.